వీళ్ళా మన శ్రేయోభిలాషులు ?

వీళ్ళా  మన శ్రేయోభిలాషులు ?

నేను ఏమైనా కొని నీకు చూబిస్తే దాని అర్ధం ఏమిటి ?
ఆ వస్తువు బాగుంది అనో, బాగోలేదు అనో అని చెబుతావు అనుకొని  చూబించాను
నువ్వు ఏమి అన్నావు " మా వాడు కొంటాడు "
అది ఈర్ష్యా, కడుపు మంటో  మరి !
నువ్వు అన్న దానికి అర్ధం నాకు తెలియదు
మరి నీ గొప్పతనం మాత్రం నేను ఎప్పుడూ విన్టూ నీ అభిప్రాయాలను గౌరవిస్తూ ఉంటే
నువ్వు నా హృదయం గాయం చేసే మాటలే  అంటావు
ఇంకా నిన్ను నా శ్రేయోభిలాషి అని అనుకోవాలా ?

ఇదెందుకు కొన్నావు

ఇదెందుకు కొన్నావు

మనం ఏదైనా ఒక కొత్త వస్తువు కొనాలంటే పెద్దవారితో, అనుభవజ్ఞులతో కూలంకషంగా  చర్చించి విసిగించి
ఆ వస్తువు కొంటాం .  అంటే ఒక మోటార్ సైకిలో, పరుపో  ఏదో ఒకటి .
మోటారు సైకిల్ మీద సవారికీ బయటకు వెల్లకతప్పదు కదా !
సరే కొత్త మోజులో కొంచెం జాగ్రతగా వాడతాం
అదుగో అప్పుడు కనిపిస్తారు కొంతమంది వాళ్ళు మన  ఆనందంలో పాలు పంచుకోరు సరికదా 
మనం తప్పులో కాలేసి కడుక్కోకుండా ఊరంతా తిరుగుతూ ఉన్నట్లు అంటారు

 ఇదెందుకు కొన్నావు ! ఆ పలానాది ఎందుకు కొనలేదు ? అని . 

అంతే  మనకు తల తిరగడం మొదలు 

వాళ్లకు ఆనందం మిగులు 

అబ్బో ఫ్రీడం 251

అబ్బో ఫ్రీడం 251

స్మార్ట్ ఫోన్ మానవ  జీవితాల్లో భాగం అయిపోయాక తక్కువ ధరలో దొరికే ఫోన్ల గురించి చాలామంది ఎదురుచూస్తున్నారు
మెక్ ఇన్ ఇండియా పుణ్యమా అని ఇన్నాళ్ళకి వారి కోరిక తీరబోతోంది
ఇంతకీ ఎంత ధరలో మీకు ఫోన్ కావాలి కనీసం 500 రూపాయలు చెల్లించగలరా ?
పోనీ 251 రూపాయలు!
నిజం ! రింగింగ్ బెల్స్ అనే సంస్థ  251 రూపాయలకే  స్మార్ట్ ఫోన్ అందిస్తోందిట
జూన్ 2016 వరకూ ప్రముఖ ఆన్లైన్ సంస్థల ద్వారా తరువాత. బహిరంగ విపణిలో దొరుకుతుందిట !

ముందుగా ఆన్లైన్ సంస్థల ద్వారా బుక్ చేసుకోవడానికి 17 ఫిబ్రవరి 2016 సాయత్రం 6 గంటల తరువాత వీలు అవుతుంది అని చెపుతున్నారు
మరింకేం  అందరూ రెడీగా ఉన్నారా ?

నా ఓటు ఎవరికి?

డాడ్ వాట్ ఫర్ దిస్ ఎలక్షన్స్?  అడిగాడు మా పెద్ద బాబు, 4క్లాసు చదువుతున్నాడు వాడు

మీ క్లాస్ లీడర్ ఎవరు ? అడిగాను నేను.

వాడి ప్రశ్నకు నా ప్రశ్న ఏమిటి అనుకున్నాడేమో ముఖం చిట్లించి, ఫాట్  రమేష్  అన్నాడు

అంటే వాడి ఉద్దేశ్యం,  లావు గా ఉండే రమేష్ అని.

మిగిలిన భాగం ఇక్కడ చదవండి 

http://www.gotelugu.com/issue149/3821/telugu-stories/naa-otu-evariki/

ఉగాది 21వ సంచిక

ఉగాది 21వ  సంచిక 

ఈ  సంచికలో  

మనసా !

పిల్లలు దైవమిచ్చిన వరం

రధసప్తమి

అమ్మ,నాన్న, గురువు దైవం !

https://www.youtube.com/watch?v=QQDh_stQv2A

అమెరికా ! మా"రాక"!!

అబ్బబ్బ వీళ్ళ లాగులు చూడలేక చస్తున్నాం అంది మా శ్రీమతి లోపలికి వచ్చి తలుపు మూస్తూ.

ఏమైంది? అడిగాను

ఎదుటి ఇంటి పెద్దాయన నిక్కర్లో తిరుగుతూ ఉన్నాడట అదీ విషయం.

మొన్నటిదాకా శుభ్రంగా పంచి, పొడుగు ప్యాంటు లో కనపడేవాడు కదా ! ఆశ్చర్యంగా అడిగాను.

ఏముంది మొన్ననే అమెరికా నించి దిగబడ్డారు. అది సమాధానం
పిల్లలు మారుతున్నారంటే అర్ధం  వుంది. వీళ్ళు ఇలా మారితే ఎలా

పోనీ ఇంట్లో తొడిగి తిరిగితే పరవాలేదు రోడ్డుపైకి వస్తే ఎలా ? శ్రీమతి గొణుగుళ్ళు

నేను ఆలోచనలో పడ్డాను

కట్టు బొట్టు తీరు బాగుండాలి అని ఆడవారిని అంటారు మరి మగవాళ్ళు ఇలా ఎందుకు తయారు అవుతున్నారు

కొంచెం వయసు మళ్లి  అంటే 50 వ పడిలోకి వస్తే  పంచి కట్టకుండా ఉండేవారు కాదు ఇదివరకు పెద్దలు.

మావాడు అమెరికాలో ఉన్నాడు, మేము అమెరికా వెళ్లి వచ్చాం!  అని చెప్పుకోవడం అతిశయంగా ఉన్న రోజులనించి

అక్కడి వేష ధారణలు ఇక్కడా వేసి, వీళ్ళు అమెరికాలో ఉన్న తమ   పిల్లల దగ్గరకు వెళ్లి వచ్చారు అని చూడగానే తెలిసే విధంగా అతిశయ   ప్రవర్తన కొంచెం చిరాకు కలిగించేదే?!

సరి, మరి వాళ్ళ ఇంటి ఆవిడా ఎలా మారిందో ? కనుక్కుందాం అనుకునేలోపు ఆవిడా దర్శనం ఇచ్చారు నైటీలో

ఆహా! అని బోల్డంత ఆశ్చర్యంతో కుర్చీలో కూలబడ్డాను.

ఇంకా మా శ్రీమతి గోణుగుతోంది

నేను ఏమి మాట్లాడకుండా కూర్చున్నాను

ఎందుకంటే ఇప్పుడు ఏమైనా మాట్లాడితే తను నాకోసమే చేస్తున్న స్పెషల్ వంటకం తగలడుతుంది మరి!