SEARCH

Wednesday 29 March 2017

ఆమె ఎవరు ? ఒక థ్రిల్లర్


చనిపోయారు అనుకున్న వారు తిరిగి వస్తే , మనల్ని వెంటాడితే  అప్పుడు....

అందరికీ సస్పెన్స్ కధలు అన్నా, నవలలు అన్నా కాస్త ఇష్టం వుండే తీరుతుంది.

ఎందుకంటే మొత్తం కథలో ఒక ట్విస్ట్ కూడా లేకుండా చదివితే బోర్ కొడుతుంది

మీకోసం బోల్డన్ని ట్విస్టులతో నిండిన ఓక నవల

మా సోదరులు వ్రాసినది

కినిగెలో ఇపుడు దొరుకుతోంది

ఆమె ఎవరు ? ఒక థ్రిల్లర్

http://kinige.com/book/Ame+Yevaru

http://kinige.com/book/Ame+Yevaru


మీ అభిప్రాయాలు పంచుకుంటారు అని ఆశిస్తూ

ఉగాది శుభకామనలతో !

Tuesday 28 March 2017

నేను - ఆన్లైన్లో పత్రికలు - 2

తరువాత 

ఇక వారం మధ్యలో  ఏమి చేస్తాము అంటే 

మంత్లీ పత్రికలు  ఉండనే ఉన్నాయిగా !?


తెలుగు నెలల ప్రకారం పలకరించే
అచ్చంగా తెలుగు ( శ్రీమతి బావరాజు పద్మినిగారు సంపాదకత్వం )
http://www.acchamgatelugu.com/

ఆంగ్ల నెల మొదటి రోజు  తప్పకుండా ప్రత్యక్షం అయ్యే
కౌముది http://www.koumudi.net/ ( శ్రీ కిరణ్ ప్రభగారు సంపాదకత్వం )

ఈమాట అంటూ వచ్చే మంత్లీ 
http://eemaata.com/em/

మహిళా సాహిత్య పత్రిక అయిన విహంగ
http://vihanga.com/

నాకు కాలక్షేపం మాత్రమే కాదు విజ్ఞానాన్ని, కొత్త ఆలోచనలు నాకు అందిస్తూ ఉంటాయి 

మరి ప్రతీ రోజు నేను చూసే ఇంకొక ఆన్లైన్ ప్రదేశం 

ఇంకేమిటి  తెలుగు అగ్రిగేటరు మాలిక  http://www.maalika.org/
వీరి పత్రిక కూడా నేను తప్పకుండా చదువుతాను
శోధిని  కూడా నేను చూస్తాను.
http://www.sodhini.com/blogs/

బ్లాగుల్లో ప్రతీది నేను చదువుతాను అని చెప్పను కానీ, వీలైనంత ఎక్కువ భాగం మాత్రం పూర్తి చేస్తాను 

ఈ మధ్య కొత్తగా నేను చూసిన పత్రిక 
తెలుగు తల్లి కెనడా  /http://www.telugutalli.ca/

ఈ పత్రిక నిజంగా  వుంది ! ఏప్రిల్ లో ముగిసే లాగా ఒక పోటీ కూడా ఉంది 
ప్రయత్నించండి. 

. సశేషం ....   




Monday 27 March 2017

నేను - ఆన్లైన్లో పత్రికలు -1


హడావిడిగా మొదలు కావలసిన సోమవారం నాకు నెప్పిగా మొదలు అయ్యింది.

కాలికి రాత్రి తగిలిన దెబ్బ ఉదయానికి కప్పలా  వాస్తే డాక్టరు దగ్గరకు వెళ్లాలని అర్ధం అయ్యింది.

ఏం చేస్తాం ? బాసుకి సెలవు అని చెప్పి డాక్టరుకు హలొ చెప్పాను.

ఎక్సరే , మందులు, అయ్యి ఇంటికి వచ్చి చూస్తే ఏమీ తోచడం లేదు అని
ఎన్నో రోజులుగా వ్రాద్దామని అనుకున్న విషయాలు మీతో పంచుకోవడం మంచిది అనిపించింది!

పుస్తకాలు చదవాలి, కధలు వ్రాయాలి అనే వారికి ఇది ఏమైనా ఉపయోగపడుతుంది ఏమో  అనే ఆలోచనతో  ఇంకా ఆలశ్యం చేయకూడదని మొదలు పెట్టాను.
                                                 
                                       ***

ఫ్లాష్ న్యూస్ చూడాలంటె నేను ఇక్కడే వేళ్ళాడతాను

అదే ఏపీ7ఏఎం.కాం
http://www.ap7am.com/index.php


అంతేనా ఇందులో న్యూస్ పేపర్లు  ఈనాడూ , జ్యోతి , సాక్షి, నమస్తే తెలంగాణా  ఇంకా చాలా ఆఖరికి క్రికెట్ లైవ్ అప్డేట్ ,  బిజినెస్ న్యూస్  తో సహా అన్నీ తెలుసుకోవచ్చు.


ప్రతీ ఆదివారం అనుబంధాలతో వచ్చే వార్తా పత్రికలు  సోమవారం తీరుబడిగా చదువుకోవచ్చు.


బుధవారం జ్యోతి పత్రికలో వచ్చే నవ్య వీక్లి ఆన్లైన్లో  చదివి

http://www.andhrajyothy.com/navyaweekly

శుక్రవారం వచ్చే   గోతెలుగు.కాం చదివి
 http://www.gotelugu.com/

మళ్ళీ సోమవారం కోసం ఎదురు చూస్తాం

అంటే వారం మధ్యలో ఏమి చేస్తారు?  అని అడిగితే !


 ఇంకా వుంది !



Monday 20 March 2017

నో ట్రాన్సేక్షన్ డే - నిజమా ?!

మన అకౌంట్ నిండా డబ్బు వుంది  తీసుకుందాం అంటే ఏటీఎం లో డబ్బులేదు అనే  బోర్డు , బ్యాంకు లో డబ్బులేదు  అనే సమాధానం,

ఎందుకు ఇలా అవుతోందో  తెలుసుకోవాలని నేను చేసిన ఒక చిన్న ప్రయత్నానికి నాకు దొరికిన సమాచారానికి ఏమైనా సంబంధం ఉందేమో అనిపిస్తోంది .

 నో ట్రాన్సేక్షన్ డే జరుపుదాం అంటూ సోషల్ నెట్వర్కింగ్ సైటుల్లో వస్తున్న వ్యాఖ్యలు  కొన్ని అయితే , మా ర్చిలో డబ్బులు తీయడం ద్వారా బ్యాంకులు బిజినెస్ పడిపోతుంది  అప్పుడు దారికి వస్తాయి అనేవి కొన్ని వ్యాఖ్యలు కనపడ్డాయి.   

అసలు ఈ వ్యాఖ్యలు ఎందుకు అయ్యా ? అంటే,  మన అకౌంట్ నుంచి  డబ్బు తిరిగి  తీసుకునే ఉచిత పరిమితుల మించి  ఎటిఎం ఉపయోగిస్తే చార్జులు, మన ఎకౌంట్ లేని బ్రాంచ్ లో డబ్బులు వేస్తె  ఛార్జుల బాదుడు వీటికి మండి సామాన్యు డు చేస్తున్న యుద్ధం అంటున్నారు.
మంచిది.
మరి బ్యాంకులు కూడా కొన్ని మెసేజీలు వదిలాయి. వాటి సారం ఏమిటంటే ఉచిత నగదు ఉపసంహరణ వేరే బ్యాంకుల ఎటిఎం నుంచి అయితే మూడుసార్లు, మన ఖాతా వున్నా బ్యాంక్ ఎటిఎం నుంచి అయితే ఐదు సార్లు  సాగించవచ్చు మొత్తం ఎనిమిదిసార్లు ( ఈ విషయం నేను నిర్ధారించుకోలేదు, మీకు తెలిస్తే చెప్పండి) ఉచితం, ఇంకా అంతకు మించి ఎందుకు  అంటున్నారు ?

మరి ఈ రెండింటికి ఏటీఎం లో డబ్బులు లేకపోడానికీ సంబంధము ఉందా లేదా   మీరు ఆలోచించండి ?!
       

Sunday 19 March 2017

సోషలు నెట్ వర్కింగ్ సైటులు - రచ్చబండలు


ఏ పనీ చేయకుండా పోచికోలు కబుర్లు చెప్పుకుంటూ, వింటూ సమయం గడిపే చాలా మందిని, మనం చూస్తూనే ఉంటాం .
ఇతరుల గురించి తెలుసుకోవాలనే తపన అందరికీ ఉంటుంది.
గ్రామీణ జీవనంలో రచ్చబండలు, వీధి మలుపులు, ఇలాంటి కబుర్లకు ఆలవాలంగా ఉండేవి.
నేటి అపార్టుమెంటు కల్చరులో వీటికి తావెక్కడ!
మేము మోడ్రను మనుషులం, ఇంకా పల్లెటూరి వాళ్ళను గేలి చేస్తాం అనే వారు కూడా తమ సమయం వృధా చేసే  ఈ సోది కబుర్లకు బానిసలే !
ఎలా ? ఇప్పుడు ఎక్కడ మాట్లాడుతున్నారండి ? అని అడిగితే

మీ స్మార్ట్ ఫోన్ సమాధానం చెబుతుంది.

మీకు ఫెస్ బుక్ ఎకౌంట్ ఉందా ? వాట్సప్ మీ ఫోనులో ఉందా ? సోషలు నెట్ వర్కింగ్ సైటుల్లో  ఏదైనా ఒకటే?!

ఇంకేం, మీరు కూడా ఈ బాపతే !

ఫేస్ బుక్ లో, వాట్సప్ లో వచ్చే మెస్సేజ్ లు ఎన్ని నిజమైనవి ?
ఇది చూసినవెంటనే ఫార్వార్డ్ చేయకపోతే మీకు దురదృష్టం పడుతుంది అనేవి, గుడ్ మాణింగ్, గుడ్డు నైట్, తప్ప వేరేవి అవసరమైనవి ఎక్కువ రావు ?
మంచివి, అవసరమైన సమాచారం పది శాతం ఉంటుందేమో ?

మరి పనికిరాని  మెసేజులు ఫార్వార్డులు కొడుతూ, వేరే ఎవడి ఫోటోనో నీకు తెలియకపోయినా కామెంట్లు వేస్తూ సమయం గడిపే వారు, ఎర్రబస్సు నీడలోంచి బయట పడని వారే కదా !?
      

Wednesday 15 March 2017

సుఖం కష్ఠం


సుఖం బాధ పెడితే
కష్ఠం పాఠం నేర్పుతుంది

నిజం!

ఒకసారి ఆలోచించండి.

మనకు ఒక్కసారిగా లక్ష రూపాయలు లాటరీ వస్తే
అబ్బ ఎంత అదృష్టం అనుకుంటాం !

కానీ ఆ వచ్చిన డబ్బు దాచుకోవాలో కర్చుపెట్టాలో సమస్య !

ఎవరికైనా తెలిస్తే అప్పు అడిగి తిరిగి ఇవ్వకుండాఎగ్గోడతారనే  సమస్య
ఇవ్వకపోతే బంధము తెగిపోతుంది అనే సమస్య

అదే కష్ఠం  వస్తే ఎలా బయటపడాలి అని అలోచించి సాధ్యమైన విషయాలు మార్గాలు తెలుసుకుంటాం అంటే పాఠం నేర్చుకున్నట్లే కదా ?!

Friday 10 March 2017

సాకెరాఫోబియా! అబ్బో




ఏమండీ !?
soceraphobia ఈ పదం ఎప్పుడైనా విన్నారా ?
మా స్నేహితుడిని సాకెరాఫోబియా అంటే ఏమిటీ అని అడిగితే సాకర్ అంటే భయం అనుకుంటా! అన్నాడు.
 ఈ పదానికి  అర్ధం ఏమిటో మీకు తెలుసా?

మీరు ప్రేమించిన అమ్మాయి ఇంటికి వెళ్లారు.
ఆమె ఎదురు వచ్చి మిమ్మల్ని లోపలి తీసుకుని వెళ్ళింది  !
టీ లేక కాఫీ తాగాక, ఆమె తల్లి తండ్రులను పిలిచింది.
వారు వచ్చి మిమ్మల్ని కలిసే వరకూ, మీరు భయంగా లేక ఆదుర్దాగా ఉంటే అదే సాకెరాఫోబియా!
అంటే మీ అత్తగారి ఇంటికి వెళ్ళినపుడు, వాళ్ళు అంటే వుండే  భయం అన్నమాట !

కోడలికి అత్తగారంటే వుండే భయాన్ని పెంతెరాఫోబియా (Pentheraphobia) అంటారు.  
మరి మామగారికి అల్లుడంటే భయం ఉంటుంది కదా?
దానిని ఏమి అంటారో ?